這次的演唱會，我真的沒有什麼idea要如何寫？演唱會的曲目也大致一樣，只是 Encore環節宣唱就稍微有點不一樣，唯一最不一樣就是他們2的對話啦！哈哈！他們2人在臺上互動真的很有趣。
開場前我和Jenny，2人真的有手忙腳亂﹑心情緊張，我們緊張絕對不是因為他們2人而是因為我們冒險進場！哈哈！為何說冒險呢？是因為場地禁止帶相機進場，而我和Jenny，2人就偷帶了進場啦！哈哈！可是，結果依然被神經的保安人員禁止拍照！他的理由也太牽強了！(如果有新加坡fans，我表示抱歉！)
廢話少講，就向大家講講演唱會現場情況啦，我自己也不太懂得如何做報導！呵呵！本人文筆不好，請多多見諒！
演唱會大約8點20分左右開始，開場時就當然是先宣佈主辦單位和贊助商。整個演唱會就隨著樂隊的演奏開始了。當場館燈光暗淡時，全場氣氛高潮。他們先帶來 “天邊一隻雁 / 舊歡如夢 / 愛人女神 / 小生怕怕 / 夏日之神話” 全場氣氛真的很高潮，或許新加坡朋友真的期待一久了。
唱完後，他們來了一番對話關於與新加坡的情義結，校長講︰我記得03﹐04年來了開演唱會，06年來了拍戲。那次真的特別難忘，因為太多野食，初時來新加坡只有150磅，走果時188磅。克勤講︰係啊，我來是12幾磅，走果時14幾磅，返到屋企又名叫肥仔勤。校長講︰因為導演要求我要增肥到50磅，但我增肥到38磅就已經呼吸困難。克勤講︰點解會肥呢？校長講︰因為d人太多熱情啦，早上8點食早餐，10點左右就有每人80支沙爹。克勤講︰係啊，好似一個火把咁，係每人80支。校長講︰我就食佐一半，克勤就食晒。之後，11點半，就有每人一只燒豬。克勤講︰邊度人一人一只燒豬呢？校長講︰燒豬老闆係克勤歌迷，之後12點點雞飯，下午就high tea又有蛋糕，8點食飯﹐每日8餐。克勤講︰主辦單位仲驚我地唔夠飽，住既地方就係文東記隔離，我都唔記得呢2幾日裡面食佐幾多碗雞飯啦。校長講︰新加坡係我地巡迴既最後一站。克勤講︰希望今日d觀眾朋友唔知道你地係幸運或者咩啦，總之今晚玩得開心d。之後就開始唱 “唔使驚”。
克勤講︰觀眾除佐好睇我地d勁舞之外，其實最只要都係想聽我地d抒情歌。校長講︰係啦，心裡面好冧既歌。克勤講︰心理上有咩準備？校長講︰要好冧﹐要根據歌詞去對佢女朋友有好，老婆也好，或者情人也好。克勤講︰哦，明白啦，就係係下面托住手仔。但係尺度最多去到邊呢？校長講︰手就好啦，因為始終係大廳。克勤講︰如果除佐手之外要多 d話俾我地聽，我地用spot light照住你。之後繼續唱了 “也曾相識”﹐“ 合久必婚”﹐“ 半夢半醒” 克勤講︰不知道觀眾要聽廣東話或者國語呢？校長講︰兩味啦！唱到中途，校長突然轉國語，克勤反映很多的快轉唱國語。再繼續唱 “我不會唱歌” 校長講︰我地中國有一個琴手叫朗郎，我地香港有熹熹-趙增熹。克勤講︰熹熹虛虛。之後繼續唱了 “愛在陽光空氣中”﹐ “一生想您”﹐ “愛是這樣甜”
克勤獨唱部份，首先帶來 “飛花”。克勤唱完飛花時，他對觀眾講︰由於新加坡係3面台，所以大家唔知道我背後搞乜鬼？有冇人知道頭先唱果首歌叫咩名？觀眾講﹕飛花。克勤講︰大家知道飛花係點樣嗎？克勤就轉身同大家講︰飛花就係咁個樣啦，因為之前係內地開show，有fans問點解孭只龜？其實係一朵花。之後，克勤就講花放下，換上另一件外套。之後就唱了 “藍月亮”。克勤講︰今日準備佐2首歌，俾大家揀，一係國語歌-一生何求，另一個係新歌-嫲嫲。有人喊︰一生不變。克勤講︰一生不變留俾阿倫唱。之後觀眾選了一生何求，克勤講︰好奇怪，每次d歌迷係網上或者寫信講可唔可以唱多d新歌，但每次演唱會時候大家都想聽舊歌。在唱一生和求時，電視播放了克勤以前的片段。
之後到校長獨唱部份，校長唱了 “雨夜的浪漫”，唱完後校長講︰剛纔克勤想唱新歌但唱唔成，我就唔比大家揀，我要唱一首新歌 – “讀愛”。校長唱完後講︰其實都唔新啦，都已經幾年啦！哈哈~之後就唱了 “講不出再見”
之後就是克勤&校長show 胸肌的部份了，首先克勤先唱 “My Shirley”，然後到校長唱 “午夜麗人”。接下來就是2人一起show胸肌 - “戀足一百分”。校長講︰新加坡報紙話我地賣肉！克勤講︰校長我地真係有肉可以賣！？校長用手碰了克勤胸肌講︰睇下呢2舊係咩？校長講︰克勤，我想問你啦，你剛剛生完BB仔啦，佢都要食奶，唔會認錯？克勤講︰你想講咩？在2人準備下臺時，站得像俾發射球一樣。
之後就是 “忘不了您/深深深”﹐ “一生不變/一生中最愛” 和 “愛不釋手”，克勤講︰校長會親身上陣跳接下來的環節”。看見校長可以親自上陣跳真的很開心，上次在KL看時，是有舞蹈老師- Sunny Wong代跳。一路跳一路唱 “笑看人生 / 暴風女神 / 世界停頓 / 希望”，在希望最後一個音”望“時，克勤突然沒有唱了，只有校長唱。校長講︰點解你唱唱下冇佐聲？克勤講︰唱唱下個mic斷佐線就唯有。。。校長講︰唔緊要。克勤講︰唔緊要啦，證明係真唱。
接下來就是 “月半小夜曲”﹐ “爱的根源”﹐ “祇想你會意”﹐ “情憑誰來定錯對” 校長講︰見到大家咁支持，相信不久將來一定會再次來。克勤講︰但唔知道幾時？但相信會再嚟，因為咁多雞飯等住當然來。接下來就是多謝主辦單位的環節。謝謝完指定的單位後，校長問︰仲有邊個？克勤講︰台前幕後d工作人員啦，d宮女啊，太監啊！校長笑笑，克勤問校長︰有冇太監啊？校長講︰我就冇啦。你有冇？克勤講︰Terry。之後自己蹲下來笑。校長講︰你唔好咁講啊，佢喂你食飯架！
接下來繼續唱 “捕風的漢子”﹐ “球迷奇遇記”﹐ “夏日寒風”﹐ “嗱嗱聲”。演唱會第一部份已經完畢了，克勤講︰踢波有法定時間，演唱會都有，法定時間依家就結束啦，加唔加時就睇你地啦！你地有氣，我地有氣。
進入Encore部份了
首先帶來 “左鄰右里”﹐ “知心當玩偶”﹐ “護花使者”﹐ “愛你太深”﹐” Victory”。校長講︰有歌迷要送花。你丟唔到上來架。克勤就走前去幫歌迷收花可是要麻煩保安人員轉上。克勤拿了轉給校長，校長講︰一樣啦，你鐘意咩色？克勤講︰都拎唔到上飛機。之後校長拿到一個比較大束的話，他拿去跟克勤換，可是克勤本身就已經拿著2束了，搞到克勤苦笑。有保安人員來了一帶東西給校長，校長問︰呢個係唔係克勤架？係唔係我架？係唔係趙增熹架？好多笑聲，擺係趙增熹果度先。花就要拎佐先。克勤講︰仲有冇？果d送衫啊，送樓啊。新加坡d地產好好架，有冇人送d樓俾我地係Santosa啊？我地可以經常過嚟打波啊！唔使介意啊！或者d銀紙都可以送上來，如果係銀紙可以折飛機飛上嚟都得。校長講︰頭先已經講想聽唱歌就留底，咁趕時間果d就走，走晒未啊？克勤要求要由觀眾PK d歌
首先校長的歌先 – “小風波 VS 雨絲,情愁”，之後小風波勝出，這也是我所喜歡的其中一首歌。
接下來是 -“仍是老地方 VS 情非首爾”。 克勤講︰接下來就係一首我地完全未唱過既- “仍是老地方”。校長講︰完全未練過未唱過。克勤講︰另一只就是 “情非首爾”。其實結果感覺是打平手，克勤講︰我話係呢只(仍是老地方) 。校長講︰你話係呢只？克勤講︰練佐咁耐一次都未唱過，有冇搞錯！由香港左麟右李講要唱結果到最後一場先有得唱。校長一唱就蹋Q，完全跟不到！哈哈
之後就是“誰可改變 VS 水中花”，克勤講︰4個字對3個字， “誰可改變”對“水中瓜(花)”。校長說﹕我只歌好high，俾你搞到咁！結果誰可改變勝出
之後就是 “高妹 VS 天水.圍城”。校長講︰2個字對4歌字，就係“高妹”。克勤講︰我就好想唱 “天水.圍城”。結果高妹勝出，克勤講︰唱幾句 “天水.圍城”得唔得？ 唱完高妹後，克勤立即哼了幾句 “天水.圍城”。校長問他︰係唔係好想唱？克勤笑講︰唔係。然後跑到校長面前講︰唱一次啦！之後他們也唱了 “天水.圍城”。
之後就是 “霧之戀 VS 再見亦是淚”。校長講︰好少唱 “再見亦是淚”。克勤講︰比較多唱就係 “霧之戀”。結果“再見亦是淚”勝出。克勤講︰又係冇練過，好多估唔到。克勤拿水喝，校長講︰你咁多水飲？克勤就拿了一瓶水給校長。校長講︰都係唔好啦，頭先我係下面已經想去啦！克勤講︰去廁所。克勤講︰使唔使我幫你頂住一只，你去屙先啦。校長講︰唔使。克勤講︰一陣先，你係大定小先？校長講︰小製作。
接下來就是“回首 VS 花落誰家”。校長講︰“回首”同“花落誰家”。克勤笑了。克勤講︰如果開“花落誰家”就大件事啦！校長講︰唔會大件事，你一個人唱咯！克勤講︰你真係可以去屙尿啦！結果聽到講“花落誰家”時，歡呼聲不笑，克勤笑到玩彎肚子。校長講︰ “回首”啊，記住“回首”啊！結果“花落誰家”勝出，克勤笑到歸地！校長講︰大家真係好想玩啊！校長講︰我識唱我就唱，我唔識就望住你啦！克勤開始唱 “花落誰家”時，自己也忍不住笑了，校長對他講︰不如我去一去。之後，校長就跑人了﹐留下克勤一人在臺上唱。當唱到中段，阿熹不知道是否應該繼續，克勤講︰佢去痾尿，唱full song啦！之後校長慢慢的再走上臺，擺去古怪動作。克勤唱完後，校長跟他握手。克勤問︰你洗佐手未？校長講︰我連紙巾都帶上嚟。克勤講︰你自己整返一首，等我去。校長問︰你真係要去？克勤講︰我唔使。之後，克勤就坐在臺上聽校長唱歌了。
校長唱了 “幻影”。校長講唱校歌了，校長叫克勤一起唱。克勤講︰原來坐係臺上聽人唱歌感覺好好。之後他們2人繼續合唱 “愛在深秋”
校長講︰大家是否要繼續？或者邊d要好似我咁行開下，唔緊要，最緊要返嚟就得啦！剛好有一個觀眾離開，克勤指著她講︰你係返屋企還是去廁所啊？校長講︰佢趕車啊！克勤講︰你一個人嚟啊？校長講︰佢住得遠啊，佢住新山。克勤講︰夜馬馬小心d啊！校長講︰接落嚟就係 “一千零一夜”同 “大會堂演奏廳”。結果 “一千零一夜”歡呼聲很小。克勤講︰使唔使咁冷啊？結果當然是 “大會堂演奏廳”勝出啦！校長講︰呢班朋友真係冇得頂。克勤講︰真係冇得頂，搞到夜馬馬，只係一個走佐趕去新山。之後就唱 “朋友”﹐ “愛情陷阱”和 “紅日”。紅日為演唱會劃上完美的句號了。
發現3面台座無虛席，真的很感動！我想香港歌手在新加坡開3面台真的是一個難度吧，因為新加坡人都一定懂廣東話，他們的語言都是華語﹑英文或者福建話。所以看見這個情況真的很開心，之前還有fans擔心票房問題。
No comments:
Post a Comment