寫寫演唱會的感受吧！反正今天在公司無所事事！就嘗試寫吧！11/15真的是我第一次一班人一起去看演唱會 (Fish, Wendy, Joyce, Jenny, Joey, SK, Nicole, Pui Ting and me 還有Eva，雖然她跟我們不同位子，可是，我們依然共處在一間房間！哈哈~)，那種感覺真的很好，很熱鬧！希望下次還有機會啦！
我們6點多就出發去演唱會場地了，原本我們想預早進場準備，可是，沒有想到互相等對方，結果還是搞到7點多才進場啦！哈哈~
進場時真的一片混亂啦！大家看見演唱會場地有賣克勤的專輯，結果大家都爭先恐後的去看看！因此在一片混亂中，我們分批進入場地準備待會的東西！為尿片寫名字，為Banner簽名，準備好相機，準備熒光棒！
這次克勤可是遲了點開場啦！8點15分才開始，當全場關了燈，大家都大喊起來了，感覺這次的氣氛相比去年好！電視播放一些贊助商的介紹後，隨著夏日至神話的音樂響起，克勤也在臺下慢慢昇起！服裝不用多說都跟香港的一樣！唱完夏日至神話和未成年同盟會後。(一下報導用廣東話寫了)
克勤︰多謝晒，各位Dances！大家食飽未？
觀眾︰未！
克勤︰同我一樣！我係一個“磨爛蔗”既歌手！就睇大家可以玩幾耐啦！年紀大先多謝晒所有主辦單位先冇佐呢班主辦單位就冇今日個Show！當然最重要就要多謝你地啦！
接著唱了月半小月曲和飛花。
克勤︰多謝阿熹，接住係我自己好鐘意既一首site track。講完音樂就起係十年前後，呢首歌真係好鬼正！
克勤︰呢首歌叫十年前後，係之前推出其中一個唱片叫。。。演奏廳1裡面其中一首Site track，係唔係好好聽呢？
觀眾︰好聽。。。
克勤︰好聽就未買就快D去買啦！接落嚟問大家一個問題， 呢幾日係雲頂因為冇咩野做睇佐好多電視劇，大家鐘唔鐘意睇電視丫？鐘意就拍下嚟聽。
全場拍手
克勤︰唔怪得TVB咁紅啦！咁香港D電視劇嚟到呢度係唔係用返香港果個主題曲？
觀眾︰係
克勤︰係唔係丫？我驚我接落嚟唱既果首你地唔識。大家係唔係真係識？
觀眾︰係。。。係。。。係
克勤︰好，接落嚟如果我講果個你地真係識就拍手
一個男士突然講︰酒店風雲 (克勤當場一副無奈樣)
克勤︰過佐啦！舊年我嚟已經唱佐啦！ 好，因為呢只歌中國人的汽車可以走遍全世界。
歲月風雲音樂響起，銀幕上播放小剛個樣！小剛唱時，克勤一時望下銀幕一時扮Post ！哈哈~
接落嚟就係克勤跳舞環節同唱大時代。舞步當然同香港有分別啦！因為香港四面台，呢度一面台！哈哈~
克勤︰好多朋友陪伴住我一起開心好多年！其實大家都係鐘意我唱點解要我跳？但唔知道點解大家睇郭富城係用欣賞角度，我就好似睇周星馳。大家可以唔笑一次嗎？記得用欣賞角度。克勤一路行一路叫我地要用欣賞角度！哈哈~跟住就開始跳請你早睡早起。
觀眾︰好勁丫！
克勤︰好勁我可以照單全收，但Encore就唔得要等下年啦！
克勤就坐住唱左右手﹑怎麼捨得你﹑只得一次同富士山下。唱怎麼捨得你時全場大合唱感覺超正！真係好似大型卡拉OK！舊年都冇出席呢個情況。克勤介紹新唱片
克勤︰新唱片未出住，不過，大家可以儲錢先。整個製作過程自己都好enjoy，無論大家買或者問朋友借嚟聽，我冇所謂！係香港正在打緊，呢度我就唔知道大家有冇聽過啦！冇聽過就當一只新歌聽啦！首歌叫她慈我悲。
克勤一路唱銀幕上播放Benny 拍攝MV片段。之後，就係到花落誰家環節啦！同香港一樣克勤自彈自唱
克勤︰一直以為跳舞好難，點知道原來彈琴仲難。每次一到彈琴環節就會講死啦！又彈啦！又彈啦！所以，我好佩服果D識彈琴既人，不過，識彈琴又唔代表試唱歌！(克勤低頭講)
克勤望阿熹笑，阿熹就手指指克勤！哈哈~之後克勤唱一個人飛。到高妹環節
高妹︰(唔記得講咩啦！哈哈~)
克勤︰仲以為你準備佐3分鐘野要講！教我講馬拉話。
高妹︰當然得啦！
克勤︰你好嗎？點講？
高妹︰你好嗎？係咩意思？嗎係咩意思？
克勤︰你好嗎？
高妹︰係唔係要壞？
克勤︰馬來西亞話！
高妹︰你指Bahasa Melayu？
克勤唔知道要點答佢？唯有去臺下問人
觀眾︰Apa Khabar!
克勤︰Apa Khabar!
克勤︰我叫李克勤。點講？
果妹︰Nama Saya Hacken Lee
克勤︰Nama Saya Hacken Lee
克勤︰你好靚仔。點講？
高妹︰Kamu sangat kacak
克勤︰嚇！
高妹︰Kamu sangat kacak
克勤︰嚇！
高妹︰Kamu sangat kacak
克勤︰唔駛贊咁多次！我都有2招！哈哈
之後，克勤就介紹天水‧圍城同希望演奏家，之後，再介紹另一個演奏家
克勤︰接住果個演奏家係男
觀眾︰譚詠麟
克勤︰譚詠麟？有冇可能？出年啦，左麟右李！出年左麟右李演唱會你嚟，買返呢個位子，我叫Alan係度對住你唱。
之後，就係演奏家表演！克勤再次換衫唱婚前的女人。
克勤︰老師示範動物聲！
克勤︰老師，呢度係賭場地方，可唔可以吹D贏錢聲？贏錢係咩聲？
之後，再同郭老師合作唱情非首爾。再次同郭老師合作，克勤跳舞郭老師繼續吹，克勤一路跳一路唱舊換如夢。演唱會已經結束啦！
之後，就係大家嗌Encore時候啦！嗌佐大約3分鐘後，克勤再次出場唱再見演奏廳同我不會唱歌。
克勤︰多謝阿熹！接住準備佐10分鐘既歌舞，呢個同之前欣賞唔同啦！，之前係盡情欣賞，呢個係盡情投入 ！
之後，就開始10分鐘快歌環節 – Mr Chidren, 護花使者﹐球迷奇遇記﹐我著10號﹐紅日)
克勤︰(克勤有講野不過冇印象講咩？哈哈~)
因為準備要同Wendy and Nicole送尿片俾克勤，原本想小寶寶後出，但Wendy已經沖前去啦！
克勤見到我地送尿片時，當場哇！仲舉上嚟睇尿片 (> <)
克勤︰老實講我幾時都好順得人，我仲係一個好update既歌手，我仲update埋D相！嚟緊新唱片同張繼聰合唱，呢首歌都係講小朋友 ，係講初做爸爸既心情，只歌名叫爸爸聲。
開始響起爸爸聲音樂同畫面都開始播放Ryan仔D相！我都有望下克勤唱歌，克勤時不時都望下銀幕之後微微笑，克勤仲有少少舞步！
克勤︰我做佐歌手都20年啦！第一次唱個全場觀眾冇望過我！早知我求情播帶數啦！反正都冇人理我？我係度咁都冇人理我！係唔係好得意呢？
觀眾︰係
克勤︰夾硬逼大家講得意！
克勤︰我知道今日有好多其他地方嚟既朋友，新加坡Fans，我知道有香港Fans(Nicole即刻大叫哦來自上海的！可惜克勤聽不見！) 其實呢個係一個非常好既習俗，我下個月係拉斯維加斯都有一場係聖誕節，你地過嚟睇我就可以同你地一起過聖誕啦！
克勤︰到呢個環節同舊年一樣同一個地方，係冇任何Rundown同大家想幾點走？反正上到嚟相信好多人都唔走啦！呢家幾點？反正呢度冇罰錢！
觀眾︰8點！
克勤︰8點？你就老點啦！
觀眾︰10點9！
克勤︰10點9，有排玩啦！咁早，大家趕唔趕住走？
觀眾︰冇！
克勤︰大家有冇想入賭場賭下！
觀眾︰冇！
克勤︰好，咁就繼續啦！
唱一千零一夜同藍月亮。唱完克勤跑落台，係觀眾席度唱
克勤︰問觀眾要聽咩歌？
觀眾︰一生不變
克勤︰唱一生不變冇問題，但可以大家一起唱嗎？
觀眾︰可以
克勤叫阿熹︰是否可以整一個版本靜靜地玩，因為我要聽到佢地唱
結果全場大合唱，感覺好正。真係可以聽到克勤一句，觀眾一句咁唱！
克勤︰咁鬼開心！點解唔將個舞台整係度？咁就四面台啦！哈哈~
接著唱深深深，有觀眾叫大會堂演奏聽
克勤︰等下啦！唱佐深深深先！
唱完後就到大會堂演奏聽
克勤︰呢只唔可以大合唱啦，要好認真唱先得！哈哈~
克勤上返台唱合久必婚，祇想你會意同Victory演唱會正式完結啦！不過，我地點會咁容易俾克勤走呢？哈哈~
我地不停努力嗌下，可以終於到再次出場啦！
克勤一出場就問大家真係唔想走？
觀眾︰唔走
克勤重負幾次後，好囂張講︰唔走就唔走咯！
克勤就行去同阿熹傾下，阿熹就開始彈回首
觀眾︰忘不了你！
克勤︰忘不了你？阿麟o架
克勤︰熹知道點彈嗎？(同阿熹商量後)
克勤︰明年左麟右李演唱會你嚟唔嚟，你嚟我就唱
阿熹︰咩key？ (我估)
克勤︰咩key？我都唔知道咩key！
之後，克勤清唱幾句後，阿熹就跟克勤key去彈。阿熹越彈越低
克勤即刻講︰好低丫，高D啦！
克勤唱完後
克勤︰我唱咁多場演唱會都未試過有呢只歌Encore ！
克勤︰一直都好想有一張好得既國語歌，做國語碟又要四處宣傳，我應承大家，我會好俾心機去做一張令大家滿意既國語專輯。
之後，就唱一生何求同誰願分手
克勤︰真係好開心，每次係雲頂開演唱會見到大家咁錫我，好熱情！我好怕去到一D地方做show，好靜！你一路唱佢就好禮貌咁拍手掌！仲有咩未唱？
之後唱全場最後一首啦！就係愛不釋手全場拍手！
演唱會正式結束啦！最近回想起都真係好懷念個情景！最難得係全場所有觀眾真係等克勤唱玩愛不釋手後，先慢慢離開場館！我已經我盡力去回想11月15日演唱會所有情況啦！希望冇寫落任何精彩細節！
我地返酒店後，睇D片先搞笑！原來係我地D片中既然除佐克勤把聲清楚外，仲有一位小姐把聲都好清楚！哈哈~至於是誰我真係唔方便透露，免得我俾人殺！哈哈~
經過一段努力下，我終於完成佐呢個報導啦！哈哈~不過，足足遲佐一個月先upload俾大家！真係非常之抱歉！
No comments:
Post a Comment